कवर्धा के वनांचल म लोगन मन पानी बर तरसत हे

कवर्धा । जिला के वनांचल इलाका के लोगन मन पानी बर तरसत हे। इहां लइका सियान जम्मो ग्रामीन पहाड़ी रद्दा ले तीन किलोमीटर रेंगत चलके झिरिया के पानी ले प्यास बुझावत हें, उहें जिला प्रसासन ह गर्मी के सुरुआती दिन ले ही बिसेस योजना बनाके जलसंकट ले निपटे के तइयारी करे रहिस, फेर जम्मो योजना खाली कागज तक ही सीमित रह गिस। उहें अधिकारी मन के कहिना हे कि वनांचल म पानी के समस्या ल देखत हुए बिसेस कार्ययोजना बनाए गे हे। जेकर ले ये गांव म बोर खना के जलसंकट दूर करे के प्रयास करे जात हे, संग ही अन्य जल स्त्रोत जइसे झिरिया, कुंआ के घलो बिस्तार करके जल्दी ही पानी के समस्या ले छुटकारा दिलाए के बात कहत हे।