रायगढ़। बाल विवाह ला रोके खातिर रायगढ़ जिला प्रशासन हा एक अनूठा पहल करइहा हे, जेमा अब बिहाव के कार्ड छपइया प्रिंटर्स ला कार्ड प्रिंट करे के पहिली वर वधू के जन्म प्रमाण-पत्र दे ला पड़ही। कार्ड म वर अउ वधू के जनम तारीख छपाय लगही।
कलेक्टर के आदेश ले महिला बाल विकास विभाग के द्वारा ये निर्देश सबो प्रिंटिंग प्रेस मन ला जारी करे गे हे। सबो ब्लाक मन के एसडीएम मन ला भी एकर मानीटरिंग करे के निर्देश दे गे हे।
दरअसल आदिवासी बाहुल जिला होय के कारण जिला के ग्रामीण इलाका म बाल विवाह के मामला लगातार सामने आवत हे। बीते चार साल म महिला बाल विकास विभाग हा 70 ले जादा प्रकरण दर्ज करे हे, जेमा नाबालिग होय के सूचना मिले के बाद बिहाव रोके गे हे।
अइसे म लोगन म जागरूकता लाए के मकसद ले ये पहल करे जावत हे। जिला के सबो पंजीकृत प्रिंटिंग प्रेस ला जिला कलेक्टर के डाहर ले ये निर्देश जारी करे गे हे। महिला बाल विकास अधिकारी टीसी जाटवर के कहना हे कि एकर ले बाल विवाह के जानकारी तो मिलबे करही, इमा रोक लगाए म घलो मदद मिलही।
No Comment! Be the first one.