Friday, October 30, 2020
Home सियासत Congress: बीजेपी सांसद केंद्र ले छत्तीसगढ़ के हक दिलाए बर काबर हे...

Congress: बीजेपी सांसद केंद्र ले छत्तीसगढ़ के हक दिलाए बर काबर हे शांत- इदरीस गांधी

जय जोहार… छत्तीसगढ़ प्रदेश कांग्रेस (Congress) रिसर्च विभाग के अध्यक्ष इदरीस गांधी ह भाजपा सांसद अऊ केंद्रीय स्वास्थ्य मंत्री हर्षवर्धन म कोरोना ले निपटे बर मदद ल ले के भ्रामक जानकारी फैलाय के आरोप लगाय हे।

उहचे आज बीजेपी सांसद मन के तरफ ले केंद्रीय स्वास्थ्य मंत्री ले मिल के कोरोना संक्रमण ल ले के करे गे बातचीत ल घलो बीजेपी के कोरोना के मसला म राजनीति करार दे हे।

छत्तीसगढ़ प्रदेश कांग्रेस (Congress) रिसर्च विभाग के अध्यक्ष इदरीस गांधी ह कहिन कि केंद्र सरकार ह सरलघा छत्तीसगढ़ के संग सौतेला व्यवहार करत हे। कोरोना संक्रमण ले निपटे के संसाधन ल उपलब्ध कराय के बात हो या छत्तीसगढ़ के हक के दे जवइया जीएसटी अऊ आन मद के 6000 करोड़ के बकाया राशि के बात हो।

केंद्र सरकार के रूख असंवेदनशील अऊ छत्तीसगढ़ के प्रति असहयोगात्म रहे हे। आज बीजेपी सांसद ह ए मसला म बोले के बजाए कोरोना महामारी म राजनीति करे ले बाज नई आवत हे। जबकि छत्तीसगढ़ ल कोरोना बर दे गे मदद 58 करोड़ ले जादा नई हे।

जबकि छत्तीसगढ़ ले पीएम केयर फंड म कई करोड़ के राशि दे गे हे। केंद्रीय स्वास्थ्य मंत्री ल बताना चाही कि कोरोना के लडाई मे छग ल कतना आर्थिक मदद करे हे

छत्तीसगढ़ प्रदेश कांग्रेस (Congress) रिसर्च विभाग के अध्यक्ष इदरीस गांधी ह सवाल पूछे हे कि ये सांसद छत्तीसगढ़ के अधिकार के बकाया जीएसटी राशि 2828 करोड़ दिलाए बर काबर मौन धारण कर लेवत हे। जेखर ले छत्तीसगढ़ वासी मन के विकास के राह खुल सकत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments