रायपुर । जन आशीर्वाद यात्रा म छत्तीसगढ़ के कृषि अउ सिंचाई मंत्री बृजमोहन अग्रवाल आज रायपुर दक्षिण विधानसभा क्षेत्र के संतोषी नगर, छत्तीसगढ़ नगर अऊ धरम नगर पहुंचिन इहां क्षेत्र के जनता ह उंखर हृदय ले अभिनंदन करिस। रद्दा म सियान मन के आशीर्वाद अऊ भाई-बहिनी, युवा मन के समर्थन देखते बनत रहिस। मुस्लिम समाज ह साफा पहिना के श्री अग्रवाल के अभिनंदन करिस। ए दौरान उमन संतोषी नगर के मदरसा म पढ़इया मेधावी पढ़ईया लईका मन ल पुरस्कृत करिन।
श्री अग्रवाल के ये जन आशीर्वाद पद यात्रा संतोषी नगर ओवरब्रिज ले चालू होके, दुर्गा मंदिर, शिव साईं मंदिर, प्रगति विहार कॉलोनी, शीतला मंदिर, संतोषी नगर मेन रोड, मस्जिद रोड, आर्य समाज मंदिर, शिवाजी चौक, बमलई चौक, त्रिमूर्ति मंदिर, रिंग रोड बाईपास होत घासीदास मैदान, ताज नगर, श्री राम मैदान, श्रद्धानंद स्कूल, एकर बाद छत्तीसगढ़ नगर चौक, अंबेडकर चौक, धर्मनगर, पचपेड़ी नाका मेन रोड म खतम होइस।
