corona: प्रदेश म मिले हे कोरोना के 2438 नवा मरीज, 25 मरीज मन के हो गे मौत

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलगा बाढ़त जावत हे। प्रदेश म आज कोरोना के 2438 नवा मरीज ह सामने आय हे।

उहचे 1138 लोगन मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 25 मरीज मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर जिला ले 715, राजनांदगांव ले 288, दुर्ग ले 231, बिलासपुर ले 209, जांजगीर-चांपा ले 106, बलौदाबाजार ले 76, बालोद ले 75, कबीरधाम ले 68, बस्तर ले 60, सरगुजा ले 57, धमतरी अऊ सुकमा ले 56-56, गरियाबंद ले 54, कोरिया ले 50, महासमुंद ले 41, जशपुर ले 40, कोरबा ले 39, नारायणपुर ले 34, बीजापुर ले 33, सुरजपुर ले 30, रायगढ़ ले कोण्डागांव ले 26-26, दंतेवाड़ा ले 19, कांकेर ले 16, बेमेतरा ले 13, बलरामपुर ले 9, मुंगेली ले 2 अऊ आन राज्य ले 9 शामिल हैं।

बता दन कि प्रदेश म कोरोना (corona) संक्रमित मन के कुल संख्या ह बाढ़ के 58643 हो गे हे। जेमा ले 31002 एक्टिव मामला हे।

उहचे 27123 लोगन मन ह कोरोना ल मात दे के अपन घर लहुट चुके हे। ए वायरस ले प्रदेश म अब तक 518 लोगन मन के मौत हो गे हे।