जय जोहार…. देश म बीते 24 घंटा म कोरोना (Corona) के 3.60 लाख के पार नवा मरीज के पहचान होय हे। उहचे 2 लाख 61 हजार 162 मरीज मन ल बने होय के बाद अस्पताल डिस्चार्ज कर दे गे हे। जबकि इलाज के दौरान 3293 मरीज मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 3 लाख 60 हजार 960 मरीज मिले हे। एला मिला के कोरोना संक्रमित मन के संख्या ह 1 करोड़ 79 लाख 97 हजार 267 हो गे हे। जेमा ले 29 लाख 78 हजार 709 एक्टिव मामला हे।
उहचे 1 करोड़ 48 लाख 17 हजार 371 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 01 हजार 187 मरीज मन के मौत हो गे हे।
No Comment! Be the first one.