जय जोहार…. (Chhattisgarh budget 2021) छत्तीसगढ़ विधानसभा के बजट सत्र म सीए भूपेश बघेल ह वित्तीय साल 2021-22 बर बजट पेश करे हे। सीएम बघेल ह संबोधन म कहिन कि हमन ह गोबर ल गोधन बनाय के दिशा म गोधन न्याय योजना के सुरूआत करे हन। हमर मन के ए पहल ल भारत सरकार अऊ दूसर राज्य के तरफ ले सराहे गे हे। ग्रामीण क्षेत्र म इंडस्ट्रीअल रुरल पार्क के स्थापना करे जाही। सी मार्ट स्टोर के स्थापना करे जाही।
(Chhattisgarh budget 2021) बजट म बड़का घोसना – सीएम भूपेश बघेल ह बजट म गौठान योजना बर 175 करोड़ रुपया के प्रावधान रखे हे। दुर्घटना होय म पत्रकार ल 5 लाख रुपया के मुआवजा। ग्रामीण स्तर म रुरल इंडस्ट्रियल पार्क लगाय जाही, स्टेट जीडीपी म वृद्धि होय हे। चिराग योजना म 150 करोड़ रुपया के प्रावधान। सौर सुजला म 530 करोड़ रुपया के प्रावधान।
मत्स्य पालन ल कृषि के दर्जा, एमा 171 करोड़ 20 लाख रुपया के प्रावधन करे गे हे। राज्य बीमा म 56 करोड़ रुपया के प्रावधान। गोबर खरीदी के 80 करोड़ के भुगतान करे जा चुके हे। लाख पालन ल घलो कृषि के समकक्ष दर्जा दे दे हे। (Chhattisgarh budget 2021) कोदो, कुटकी अऊ रागी ल समर्थन मूल्य म लिये जाही। ए साल 20 लाख 53 किसान मन ले 92 लाख मैट्रिक टन धान के खरीदी करे गे हे, जेन छत्तीसगढ़ के इतिहास म सबले जादा हे। पीएम कृषि सिंचाई अऊ शाकंभरी योजना बर 123 करोड़ रुपया के प्रावधान करे गे हे।
No Comment! Be the first one.