Home ब्रेकिंग न्यूज Corona: प्रदेश म मिले हे कोरोना के 53 नवा मरीज, राजधानी रायपुर...

Corona: प्रदेश म मिले हे कोरोना के 53 नवा मरीज, राजधानी रायपुर म सबले जियादा 49 संक्रमित

18
0
तबलीगी जमात म शामिल एक युवक ह कोरोना पाजिटिव, महाराष्ट्र ले कटघोरा आए रहिस युवक

जय जोहार…. छत्तीसगढ़ म कोरोना (corona) संक्रमित मरीज मन के संख्या ह थमे के नाम नई लेवत हे। मंगलवार दोपहर के कोरोना संक्रमित 53 नवा मरीज मन के पहचान होय हे।

एमा ले सबले जियादा 49 मरीज ह राजधानी रायपुर ले हे। जबकि दुर्ग, राजनांदगांव, बेमेतरा अउ बलौदाबाजार ले एक-एक मरीज मिले हे।
जानकारी के मुताबिक राजधानी में मिले 49 नवा मरीज म 19 छात्र हे, जेन हाल म विदेश ले लहुटे रिहिस। ओ मन ल रायपुर के होटल म पेड क्वारेंटाइन म रखे गे रिहिस।

ऊहचे एम्स के डॉक्टर अउ कुछ स्वास्थ्य कर्मी ह घलो पाजिटिव मिले हे। हीरापुर ले एक डाक्टर के फैमिली म कोरोना (corona) के पुष्टि होय हे।
बता देन कि प्रदेश म कोरोना (corona) संक्रमित मरीज मन के संख्य ह बाढ़ के 2848 हो गे हे। जेमा ले 685 सक्रिय मामले हे। ऊहचे कोराना संक्रमित 2150 मरीज मन ह कोरोना ल मात दे दे हे।

एखर बाद  ओ मन ह अपन घर लहुट चुके हे। ए वायरस ले प्रदेश म अब तक 13 लोगन मन के मौत हो गे हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.