Corona: प्रदेश म बीते 24 घंटा म सामने आय हे कोरोना के 543 नवा मामला, रायपुर म घलो 206 पाजिटिव

जय जोहार…. (Corona) प्रदेश म बीते 24 घंटा म कोरोना के 543 नवा मरीज के पहचान होय हे। उहचे 337 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 मरीज के जान चले गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 206, दुर्ग ले 140, राजनांदगांव अऊ बिलासपुर ले 30-30, सरगुजा ले 23, सूरजपुर ले 16, बलौदाबाजार ले 14, कोरबा अऊ कोरिया ले 10-10, जशपुर ले 9, बस्तर ले 8, गरियाबंद ले 7, धमतरी अऊ जांजगीर-चांपा ले 6-6, बेमेतरा अऊ मुंगेली ले 5-5, महासमुंद ले 4, रायगढ़ अऊ दंतेवाड़ा ले 3-3 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 3 लाख 16 हजार 854 हो गे हे। जेमा ले 3770 एक्टिव मामला हे। उहचे 3 लाख 09 हजार 198 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3886 लोगन मन के मौत हो गे हे।