अभिभावक मन के गुस्सा फूटिस… स्कूल म जड़ीन ताला..

 
बेमेतरा। दुर्ग जिला के मोहरेंगा हाई स्कूल म सिक्छक मन के कमी ल लेके अभिभावक मन के गुस्सा फूट पड़िस। लइका मन अउ अभिभावक मन ह स्कूल म ताला जड़ दिन। अतना ही नइ उमन अहिवारा-बेरला मारग ल जाम कर दीन।
बेरला-अहिवारा मारग बाधित होय के सूचना म मउवका म पहुंचे बीईओ ह तत्काल अस्थाई रूप ले शिक्षक मन के कमी पूरा करिन। अउ उमन ह स्थाई सिक्छक बर जिला सिक्छा अधिकारी ल जानकारी दीस हे।
स्कूल म पाछू के दू बछर ले दू ही सिक्छक पदस्थ हे। स्कूल म चार बिसय के शिक्षक नइए। जेकर चलत लइका मन के पढ़ाई प्रभावित होवत हे अउ रिजल्ट घलो खराब होवत हे। पाछू बछर 10वीं के 54 छात्र मन म महज 13 छात्र ही पास होय रहिन हे। अब स्कूल म सिक्छक मन के कमी ल लेके छात्र णV अउ अभिभावक मन के गुस्सा फूट पड़िस।