Thursday, October 1, 2020
Home छॉलीवुड समाचार Chhallywood: पहिली नजर के प्यार अनिकृति के अगला फ़िल्म हे, स्वर्ण फिल्म्स...

Chhallywood: पहिली नजर के प्यार अनिकृति के अगला फ़िल्म हे, स्वर्ण फिल्म्स के बेनर म भूपेंद्र चंदनिया करही निर्देशन

जय जोहार…. (Chhallywood) छत्तीसगढ़ी फिल्म के सृजनकर्ता सुपरहिट निर्देशक सतीश जैन के हाथ 11 सितंबर के रायपुर में ये फिल्म के शानदार शुभारंभ होइस। अब्बड़ जल्दी ये फिल्म के शुटिंग के तारिख ल घोसित कर दिए जाही।


साल 2020 म बनइया (Chhallywood) अशरफ अली के ये पहिली फिल्म होही, तेकर बर अशरफ अली ह बड़ अकन खुश हे। अशरफ के कहना हरे अभी तक जतना अकन फिल्म म काम करे के मऊका मिलीस, ये फिल्म के कहानी ह बाकि सबो फिल्म ले अलग हे और जब ये फिल्म थिएटर म लगही, तब एक अलग ही रुप म चाहने वाला दर्शक मन अशरफ ल देख पाही।


सबले सुघ्घर बात ये हरे फिल्म के हिरवईन ह हस झन पगली फेम अनिकृत चौहान अऊ 3 साल बाद एक बार फेर ले अशरफ अली अऊ अनिकृत चौहान के जोड़ी दर्शक मन ल सिल्वर स्क्रीन में देखे बर मिलही। ऐकर पहिले साल 2017 म फिल्म ले चल नदियां के पार में ये दोनो कलाकार संग म नजर आए रिहिस अऊ दर्शक मन ऐ जोड़ी ल अब्बड़ पंसद करे रिहिस।


ये फिल्म (Chhallywood) के निर्माता हरे स्वर्ण फिल्म के आलोक स्वर्णकार अऊ निर्देशक हरे भुपेद्र चंदनिया। ये फिल्म के आलावा एन माही फिल्म प्रोडक्शन के एक फिल्म घलो अशरफ करही, जेन अवइया साल 2021 में रिलीज होही अऊ अशरफ के प्रेम संगिनी फिल्म बनके तैयार हे, जिहां टांकीज खुलत ही दर्शक मन ल देखे बर मिलही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments