जय जोहार…. (Chhollywood) छत्तीसगढ़ के कलाकार संजय महानंद ह भोजपुरी फिलीम बर विदेश जवइया पहिला छत्तीसगढ़ी कलाकार बन गे हे। ओ हा आज रात 2 बजे लन्दन बर रवाना होही। बता दन कि कलाकार संजय महानंद ल साल 2019 अऊ 2020 के भोजपुरी फिलीम म बेस्ट कॉमेटी के अवॉर्ड ले नवाजे जा चुके हे।
कलाकार संजय महानंद ह बताइस कि रंगमंच, लोकमंच अऊ छत्तीसगढ़ी फिलीम ले शुरुआत कर साल 2012 म हिन्दी फिलीम म अपन किस्मत ल अजमाय बर मुंबई आय रहेव, त खाय के लाले पड़ गे रिहिन। (Chhollywood) तब भोजपुरी फिलीम म अवसर मिलिस अऊ अपन मेहनत ले मे हा ए इडस्ट्री म अपन जगह बनाय हों। अगर भोजपुरी म काम नई मिले रहितिस, त मे हा मुंबई म टिक नई पातेव। अज तक कई फिलीम म अभिनय करे हव। एमा दर्शक मन के अऊ सब मन के बहुत प्यार मिले हे।
वो हा बताइस कि आज रात 2 बजे भोजपुरी फिलीम के शूटिंग बर पहिली बार लन्दन जावत हों। मे हा छत्तीसगढ़ के होवत हुये भोजपुरी फिलीम बर लन्दन जवइया पहिला कलाकार हों। (Chhollywood) ये यात्रा ह एखर सती घलो स्पेशल हे, मोर बर की मोर घार परिवार के जेन माली हालत रहिन, जेन कम्युनिटी, जेन मोहल्ला, जेन माहौल म मे हा रहत रहेव, उहां अपन पैसा लगा के मोर जईसे कोनो इंसान ह विदेश यात्रा नई कर सकत रिहिन। लेकिन ये सिरिफ कलाकारी के सती होय हे, मे हा ए कालाकारी के जीवन भर ऋणी रहिहव। जेन ह मोला समाज म मान सम्मान दिलाय हे।
Other Articles
No Comment! Be the first one.