Chhattisgarh: भूपेश कैबिनेट के होय हे बइठक, जानव का-का प्रस्ताव म लगीन मुहर

जय जोहार…. (Chhattisgarh) भूपेश कैबिनेट के आज बइठक होय हे। ए बइठक म कई अहम प्रस्ताव म मुहर लगीन हे। बइठक म आज पूर्व म घोसना के ही जादातर अनुमोदन करे गेहे। छत्तीसगढ़ म हाउसिंग बोर्ड अउ आरडीए के भुंईया सस्ता होही। उहें बस किराया, महतारी दुलार योजना समेत पूर्व म करे गए मुख्यमंत्री के घोसना ल आज कैबिनेट ह एप्रुव करीन।

प्रदेस म कोदो, कुटकी अउ रागी के फसल के प्रोत्साहन रासि ल बढ़ाके दे जाही। (Chhattisgarh) कर्मचारी चयन बोर्ड म गौरेला पेंड्रा मरवाही ल सामिल करे जाय के औपचारिक सहमति बने हे। आरक्षण ल लेके डाटा एकत्रित कर न्यायालय म प्रस्तुत करे जाही।

तीजा-पोरा के मउका म मुख्यमंत्री ह महिला सहायता समूह बर ऋण माफी के जेन घोसना करे रिहीन, ओखर आज कैबिनेट म अनुमोदन करे गेहे, ताकि समूह ल नवा ऋण दे के व्यवस्था ल सुरु करे जाये। (Chhattisgarh) पंचायत म महिला मन ल 50 प्रतिसत आरक्षण के बात केहे गेहे, केंद्र ह नगरीय क्षेत्र म घलो 50 प्रतिसत आरक्षण बर अभिमत मांगे हे। राज्य सरकार ह ए अभिमत म सहमति दीन हे।