Saturday, October 23, 2021
Home सियासत BJP ह दीन हे सरोज पांडे ल बड़का जिम्मेदारी, यूपी चुनाव बर...

BJP ह दीन हे सरोज पांडे ल बड़का जिम्मेदारी, यूपी चुनाव बर सह प्रभारी नियुक्त

जय जोहार…. (BJP) भारतीय जनता पार्टी ह पांच राज्य के अवइया विधानसभा चुनाव बर पार्टी प्रभारी मन के सूची ल जारी कर देहे। सांसद सरोज पांडे ल सह प्रभारी नियुक्त करे गेहे। वो हा यूपी चुनाव के जिम्मेदारी ल संभालही।

BJP महासचिव अरुण सिंह डहार ले बुधवार के जारी प्रेस विज्ञप्ति के अनुसार पार्टी अध्यक्ष जगत प्रकाश नड्डा ह 2022 म उत्तर प्रदेश म होवइया विधानसभा चुनाव बर केंद्रीय मंत्री धमेंद्र प्रधान ल चुनाव प्रभारी नियुक्त करे हे। उहें केंद्रीय मंत्री अनुराग ठाकुर, अर्जुन राम मेघवाल अउ शोभा करंदलाजे, अन्नपूर्णा देवी, सांसद सरोज पांडे , सांसद विवेक ठाकुर अउ हरियाणा सरकार म पूर्व मंत्री कैप्टन अभिमन्यु ल सह प्रभारी बनाए गेहे।

एखर आलावा उत्तर प्रदेश चुनाव के मद्देनजर संगठन प्रभारी मन के घलो नियुक्ति करे गेहे। एमा अरविंद मेनन, संजीव चौरसिया, संजय भाटिया, सत्या कुमार, सुधीर गुप्ता और सुनील ओझा सामिल हे। (BJP) पंजाब बर केंद्रीय मंत्री गजेंद्र सिंह शेखावत ल प्रभारी, जबकि केंद्रीय मंत्री हरदीप सिंह पुरी , मीनाक्षी लेखी अउ सांसद विनोद चावड़ा ल सह प्रभारी बनाए गेहे ।

उहें केंद्रीय मंत्री प्रह्लाद जोशी ल उत्तराखंड के प्रभारी नियुक्त करे गेहे, जबकि सांसद लॉकेट चटर्जी अउ पार्टी प्रवक्ता सरदार आर पी सिंह सह प्रभारी होही।
केंद्रीय मंत्री भूपेंद्र यादव ह मणिपुर के चुनाव प्रभार देखही, केंद्रीय मंत्री प्रतिमा भौमिक अउ असम सरकार म मंत्री अशोक सिंघल सह प्रभारी होही। महाराष्ट्र के पूर्व मुख्यमंत्री देवेंद्र फडणवीस ल गोवा के चुनाव प्रभारी नियुक्त करे गेहे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments