जय जोहार…. भारतीय जनता पार्टी (BJP) प्रदेश कार्यकारिणी के बइठक ह आज होही। ये बइठक ह पूरा तरह ले वर्चुअल होही। ए बइठक म कार्यकारिणी के सदस्य ह वीडियो कांफ्रेसिंग ले जुड़ही। बता दन कि भाजपा प्रदेश अध्यक्ष विष्णुदेव साय के नवा टीम गठन के बाद भाजपा प्रदेश कार्यकारिणी के ये पहिली बइठक होही।
बइठक ल (BJP) राष्ट्रीय महामंत्री संगठन बीएल संतोष अऊ केंद्रीय मंत्री धमेंद्र प्रधान ह संबोधित करही। ये बइठक ह बिहनिया 11 बजे ले शाम 5 बजे तक चलही। बइठक ल ले के सबो पदाधिकारी मन ल लिंक भेजे जावत हे।
ए बइठक म (BJP) प्रदेश अध्यक्ष विष्णुदेव साय, पूर्व मुख्यमंत्री रमन सिंह, प्रदेश संगठन महामंत्री पवन साय, धरमलाल कौशिक, राज्यसभा सांसद सरोज पाण्डेय, रामविचार नेताम, बृजमोहन अग्रवाल, नारायण चंदेल समेत सबो वरिष्ठ नेता अऊ पदाधिकारी मन ह उपस्थित रही।
No Comment! Be the first one.