जय जोहार…. केन्द्र सरकार के उपलब्धि अउ प्रधानमंत्री के पत्र ल घर-घर पहुंचाय के उद्देश्य ल ले केगरियाबन्द जिला के भाजपा मंडल गोहरापदर, देवभोग अउ झाखरपारा के बइठक (meeting) होय हे।
बइठक ल जिला महामंत्री अनिल चंद्राकर ह ले हे।
ए बइठक (meeting) म केन्द्र सरकार के दूसर कार्यकाल के एक वर्ष पुरा होय पर प्रधानमंत्री नरेंद्र मोदी के नेतृत्व म देशहित म कई निर्णय ले गे हे।
ए उपलब्धि ल ले के पार्टी के कार्यकर्ता मन ह बूथ स्तर म आम जनता ले संपर्क कर के पत्रक ल बांटही।
बइठक (meeting) म बिन्द्रानवागढ़ विधायक डमरूधर पुजारी ह कहिन कि छत्तीसगढ़ म विकास कार्य ह ठप पड़े हे।
जनता ले करे गे वादा निभाय म राज्य के कांग्रेस सरकार ह असफल हो गे हे।
केन्द्र के भाजपा सरकार ह राममंदिर, धारा 370 जइसे कई मुद्दा म पहल कर के ऐतिहासिक उपलब्धि ल हासिल करे हे।
जेखर ले देश के जनता ह मोदी जी के नेतृत्व म खुश हे।
पूर्व संसदीय सचिव गोवर्धन सिंह मांझी ह कहिन कि प्रधानमंत्री नरेंद्र मोदी के नेतृत्व म वर्षों ले व्याप्त समस्या के निराकरण होय हे।
केन्द्र सरकार ह आत्मनिर्भर भारत बनाय के योजना ल तैयार करे हे। वो हा कहिन कि कांग्रेस के राज्य सरकार ह वायदा निभाय म असफल हो गे हे।
ए सरकार ले छ्त्तीसगढ़ के जनता ह परेशान हे।
जिला महामंत्री पुनितराम सिन्हा, अनिल चंद्राकर, सांस्कृतिक प्रकोष्ठ के प्रदेश सहसंयोजक आशीष शर्मा ह कहिन कि प्रधानमंत्री नरेंद्र मोदी ह विश्व म देश के नाम ल रोशन करे हे।
केंद्र सरकार के उपलब्धि ल ले के प्रत्येक कार्यकर्ता मन के जवाबदारी हे कि घर-घर तक पहुंचे।
देवभोग म कार्यकर्ता मन ह अनिल चंद्राकर, आशीष शर्मा, पुनितराम सिन्हा, राधेश्याम सोनवानी, रितेश यादव के सम्मान करे हे। ए अवसर म पूर्व जिलाध्यक्ष भागीरथी मांझी, मंडल अध्यक्ष गुरुनारायण तिवारी, रुद्रास साहू, जिला उपाध्यक्ष कुंजबिहारी बेहराब, महेंद्र निधि समेत आन कार्यकर्ता उपस्थित रिहिस।
No Comment! Be the first one.