जय जोहार । रायपुर (Raipur ) ले बिलासपुर मार्ग म ग्राम सोंड्रा म गृह निर्माण बर करे जावत उत्खनन काम के दउरान पांडुवंशी काल के प्राचीन बुद्ध प्रतिमा समेत अन्य पुरातात्विक प्रतिमा मिले हे । गौरतलब हे कि ग्राम सोंड्रा म दिलेन्द्र बंछोर डहार ले गृह निर्माण बर करे जवइया उत्खनन काम के दउरान बुद्ध के प्रतिमा प्राप्त होए हे। ए संबंध म जानकारी मिलत ही पुरातत्त्व, अभिलेखागार अउ संग्रहालय विभाग के संचालक विवेक आचार्य के निर्देस म पुरातत्व विभाग के टीम डॉ. पी.सी. पारख, डॉ. वृषोत्तम साहू अउ डॉ. राजीव मिंज ह स्थल निरीक्षण करीन ।
पुरातत्व अउ अभिलेखागार विभाग के अधिकारी ह बताइन कि रायपुर ले बिलासपुर मुख्य मार्ग म 16 किलोमीटर के दूरी म सांकरा ले 2 किलोमीटर पश्चिम दिसा म ग्राम सोंड्रा हे। ये स्थल ले खारुन नदी लगभग 3 किलोमीटर पश्चिम दिसा म हे । प्रतिमा प्राप्ति स्थल ग्राम के सबले ऊंचाई वाला भाग म हे अउ इंहा प्राचीन टीला होय के साक्ष्य दिखत हे। दिलेन्द्र बंछोर के व्यक्तिगत आवास परिसर म भवन के विस्तार बर कालम बर करे गे उत्खनन के दउरान 3 फीट के गहराई ले बुद्ध के प्रतिमा के ऊपरी भाग प्राप्त होए हे ।
अधिकारी ह बताइन कि स्थानीय बालु पत्थर म निर्मित ए प्रतिमा के चौड़ाई 74X ऊंचाई 87X मोटाई 40 सेंटीमीटर हे । बुद्ध के ए प्रतिमा के माथा म ऊर्णा (तिलक चिन्ह) के अंकन एला अनोखा रूप प्रदान करत हे अउ ए आधार म एखर ध्यानी बुद्ध होय के संभावना जादा प्रतीत होत हे । बुद्ध के ये आवक्ष प्रतिमा अपूर्ण हे , जेमा छेनी के चिन्ह साफ दिखाई देवत हे ।
No Comment! Be the first one.