Home ताजा समाचार शराबी कार चालक ह स्कूटी अऊ बाइक सवार मन ल मार दिस...

शराबी कार चालक ह स्कूटी अऊ बाइक सवार मन ल मार दिस टक्कर, युवती के मौत

15
0
शराबी कार चालक ह स्कूटी अऊ बाइक सवार मन ल मार दिस टक्कर, युवती के मौत

जय जोहार रायपुर। राजधानी के खमतराई ओवरब्रिज म देर रात एक शराबी कार चालक ह स्कूटी अऊ बाइक सवार ल जोरदार टक्कर मार दिस। ये हादसा म स्कूटी सवार एक युवती के मौत हो गिस। बता दन कि ओखर सहेली अऊ अन्य बाइक सवार पिता-पुत्र घायल हो गिस।

जानकारी के मुताबिक रूबी शर्मा अऊ ओखर सहेली गीता पटेल अपन घर ले खमतराई जात रहिस। इही दौरान खमतराई ओवरब्रिज म कार ह स्कूटी अऊ बाइक सवार मन ल टक्कर मार दिस। ये हादसा म घायल चार लोग मन ल इलाज बर मेकाहारा अस्पताल लाए गिस। जिहां इलाज के दौरान रूबी शर्मा के मौत हो गिस। घायल गीता पटेल के इलाज जारी हे। रूबी शर्मा बिरगांव अऊ गीता पटेल भनपुरी के रहवइया हे। दोनों ह बिरगांव के एक कपड़ा दुकान म काम करत रहिस। अन्य बाइक सवार पिता-पुत्र ल अस्पताल ले छुट्‌टी दे दिस।

खमतराई टीआई रमाकान्त साहू ह बताइन कि घटना ह देर रात के हे। शराब के नशे म कार चालक ह दो वाहन मन ल चपेट म ले लिस। जेमा एक युवती के मौत हो गिस। घटना के बाद कार चालक संगम चंद्राकर ल गिरफ्तार कर ले गिस हे। आरोपी ह महासमुंद के रहवइया हे। बीरगांव म अपन रिश्तेदार के इहां आए रहिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.