Chhattisgarh: जॉब कार्डधारी परिवार ल 100 दिन के रोजगार देवाये म पूरा देश म छत्तीसगढ़ हे पांचवां स्थान म

जय जोहार…. (Chhattisgarh) छत्तीसगढ़ में जाब कार्डधारी परिवार मन ल 100 दिन के रोजगार उपलब्ध कराये म छत्तीसगढ़ ल देश म पांचवा स्थान मिले हे। प्रदेश म मनरेगा के तहत ए साल काम पवइया 29 लाख 81 हजार परिवार मन के प्रति परिवार 52 दिन के रोजगार उपलब्ध कराये गे हे। ए मामला म राष्ट्रीय औसत 48 दिन के हे।

छत्तीसगढ़ (Chhattisgarh) ह मनरेगा कार्य म ए साल भागीदारी करइया परिवार मन के प्रति परिवार औसत रोजगार दे म जादा आबादी वाला कई बड़का राज्य उत्तरप्रदेश (40 दिन), तेलंगाना (48 दिन), तमिलनाडु (46 दिन), आंध्रप्रदेश (50 दिन), बिहार (42 दिन), गुजरात (41 दिन), झारखण्ड (44 दिन), कर्नाटक (46 दिन) अऊ महाराष्ट्र (38 दिन) महाराष्ट्र ले आगू हे।

चालू वित्तीय साल 2020-21 म प्रदेश म चार लाख 16 हजार 956 परिवार ल 100 दिन ले जादा के काम मुहैया कराये गे हे। ए मामला म छत्तीसगढ़ (Chhattisgarh) ह देश म पांचवां स्थान म हे। देश भर म 100 दिन के रोजगार उपलब्ध प्राप्त परिवार मन म अकेला छत्तीसगढ़ के भागीदारी ह 8 प्रतिशत ले जादा हे।