जय जोहार । सीएम भूपेश बघेल (CM Bhupesh Baghel) ह आज रायपुर म महाराष्ट्र मंडल के नवनिर्मित भवन के लोकार्पण करीन । मुख्यमंत्री ह महाराष्ट्र मंडल के पदाधिकारी के मांग म भवन के सुविधा विस्तार बर 25 लाख रुपिया के मंजूरी घलो दीन। कार्यक्रम के सुरुवात राजगीत ले होइन ।
ए अवसर म मुख्यमंत्री ह किहीन कि रायपुर म जनहित के काम करइव पुरानी संस्था के रूप म महाराष्ट्र मंडल के पहचान हे । ये 87 बछर पुराना संस्था हे । पुराना बेरा म रायपुर म महाराष्ट्र मंडल के एकमात्र सामाजिक भवन रिहीस , जेखर उपयोग ल धार्मिक, सांस्कृतिक, पारिवारिक समेत कई ठन आयोजन म होत रिहीन हे, जेन कई मनखे मन बर अभी घलो यादगार हे ।
वोहा किहीन कि महाराष्ट्र के भाखा, रीति रिवाज अउ संस्कृति के लाभ पूरा देस ल मिलत हे। महाराष्ट्रीयन समाज के सहकारिता, स्वतंत्रता आंदोलन, संगीत, गायन, खेल समेत कई ठन क्षेत्र म महत्वपूर्ण योगदान मिलत हे ।
रायपुर लोकसभा क्षेत्र के सांसद सुनील सोनी ह घलो कार्यक्रम ल संबोधित करत हुए समाज सेवा के क्षेत्र म करे जावत काम के प्रसंसा करीन अउ सांसद निधि ले पांच लाख रुपिया के स्वीकृति घलो दीन हे । कार्यक्रम ल रायपुर दक्षिण के विधायक अउ पूर्व मंत्री बृजमोहन अग्रवाल, महाराष्ट्र मंडल के अध्यक्ष अजय काले ह संबोधित करीन ।
Other Articles
No Comment! Be the first one.