जय जोहार। सीएम भूपेश बघेल (CM Bhupesh Baghel) ह आज रायपुर प्रेस क्लब डहार ले आयोजित होली मिलन समारोह म सामिल होइन। राजधानी रायपुर के मोतीबाग स्थित प्रेस क्लब भवन म आयोजित होली मिलन समारोह म मुख्यमंत्री के संग सांसद सुनील सोनी, संसदीय सचिव विकास उपाध्याय, छत्तीसगढ़ गृह राज्य निर्माण मंडल के अध्यक्ष कुलदीप जुनेजा घलो उपस्थित रिहीन । मंच म रायपुर प्रेस क्लब के पदाधिकारी ह मुख्यमंत्री श्री बघेल के स्वागत गुलाल लगाके अउ लौकी, कटहल अउ भाटा के माला पहनाके करीन ।
ए अवसर म मुख्यमंत्री ह किहीन कि होली रंग अउ खुशी के तिहार हे । चाहे अमीर हो या गरीब सबो होली मनात हे । लईका, बुजुर्ग सबो ल ए तिहार के बेसब्री ले इंतजार रहत हे । ए मउका म मुख्यमंत्री श्री बघेल ह फाग गीत गात हुए पत्रकार के संह होली मनाइन । मुख्यमंत्री ह चलो बिरज म खेलें गुलौवा, राधे बिना होली न होए… फाग गीत गाइन। मुख्यमंत्री ह अंतर्राष्ट्रीय महिला दिवस के अवसर न प्रेस क्लब डहार ले महिला पत्रकार ल घलो सम्मानित करीन ।
रायपुर प्रेस क्लब डहार ले आयोजित होली मिलन समारोह म रायपुर प्रेस क्लब के अध्यक्ष दामू आम्बेडारे, कोषाध्यक्ष शगुफ्ता सरीन, प्रेस क्लब के पदाधिकारी संजय गुप्ता, मनोज नायक, भोलाराम सिन्हा, जावेद खान अउ बड़का संख्या म प्रेस क्लब के पदाधिकारी अउ सदस्य उपस्थित रिहीन ।
No Comment! Be the first one.