chhattisgarh : ​​​​​​​मुख्यमंत्री भूपेश बघेल ह भेंट-मुलाकात के दउरान कुटरू ल दीन हे कई ठीन सौगात, पढ़व

जय जोहार। (chhattisgarh) मुख्यमंत्री भूपेश बघेल ह बीजापुर विधानसभा के कुटरू म मनखे मन ले भेंट-मुलाकात बर पहुंचीन हे। स्थानीय ग्रामीण मन ह आदिवासी परंपरा के प्रतीक स्वरूप मुख्यमंत्री ल मुंगरू पागा बांधके अउ कटोक लगाके सम्मानित करीन । ए दउरान मुख्यमंत्री ह क्षेत्र के विकास बर मनखे मन ल कई ठीन महत्वपूर्ण सौगात दीन। आम मनखे मन ले बात-चीत के दउरान मांग म घलो मुख्यमंत्री ह त्वरित निर्णय लेत कई ठीन घोसना करीन । एमा वनांचल म सिक्षा, स्वास्थ, खेल अउ धान खरीदी केन्द्र के स्वीकृति सामिल हे । ए अवसर म स्थानीय मनखे मन ल वनाधिकार पट्टा , जाति प्रमाण पत्र अउ योजना के लाभ मिले म मुख्यमंत्री के आभार जताइन।

कॉलेज छात्र अउ राजीव गांधी युवा मितान क्लब के सदस्य मंगलूराम कुड़ियाम के मांग म मुख्यमंत्री ह तुरंत कुटरू म ग्राम पंचायत अड्डावली म खेल मैदान निर्माण के घोसना करीन । (chhattisgarh) एखर संग ही कुटरू म सामुदायिक स्वास्थ्य केंद्र, मिनी स्टेडियम अउ सरकारी बैंक खोले के घलो स्वीकृति प्रदान करीन। कुटरू म हाईस्कूल के नवा भवन के मंजूरी घलो दीन । वो हा बेदरे़े, फरसेगढ़ म प्राथमिक स्वास्थ्य केंद्र, फरसेगढ़ म नवीन धान खरीदी केंद्र ल खोले के संग जैवारम प्राथमिक स्कूल के मिडिल स्कूल म उन्नयन के घलो स्वीकृति दीन हे । मुख्यमंत्री भूपेश बघेल ह भेंट-मुलाकात म नक्सली हिंसा पीड़ित रीता मंडावी ल 5 लाख के आर्थिक सहायता प्रदान करीन ।