जय जोहार । (chhattisgarh) मुख्यमंत्री भूपेश बघेल ह आज गांधी जयंती के अवसर म छत्तीसगढ़ सासन के महत्वाकांक्षी ‘महात्मा गांधी रूरल इंडस्ट्रियल पार्क योजना‘ के सुभारंभ करीन। ए दउरान प्रदेश के आने आने जिला म 300 रूरल इंडस्ट्रियल पार्क के भूमिपूजन अउ सिलान्यास करीन ।
गौरतलब हे कि मुख्यमंत्री भूपेश बघेल के पहल म ग्रामीण गरीब परिवार बर रोजगार और आय के साधन उपलब्ध कराय बर गांव के गौठान ल रूरल इंडस्ट्रियल पार्क के रूप म विकसित करे जात हे । एखर बर इंहा आने आने आजीविकामूलक गतिविधि संचालित करे जात हे ।
मुख्यमंत्री ह किहीन कि महात्मा गांधी के स्वावलंबी अउ आत्मनिर्भर गांव के सपना ल साकार करे म रूरल इंडस्ट्रियल पार्क के महत्वपूर्ण भूमिका होही । ए योजना के माध्यम ले गांव ल स्वावलंबी बनाय के दिसा म मजबूती ले कदम उठाये गेहे । वोहा किहीन कि गांधी जी के मूलमंत्र हे श्रम के सम्मान, एखर बर हमर मन के सरकार कटिबद्ध हे । राज्य सरकार ह व्यक्ति ल केन्द्र म रखके योजना ल बना के संचालित करत हे ।
मुख्यमंत्री ह किहीन कि पहला चरण म 300 रूरल इंडस्ट्रियल पार्क विकसित करे जात हे । एखर बार गौठान म एक ले तीन एकड़ भूमि म पार्क बर आरक्षित करे गे हे । पहला चरण म हरेक विकासखण्ड म दू ठीन गौठान ल रूरल इंडस्ट्रियल पार्क के रूप म विकसित करे जात हे । राज्य सरकार के बजट म ए योजना बर 600 करोड़ रुपिया के प्रावधान करे गेहे । स्वीकृत सबो रूरल इंडस्ट्रियल पार्काें ल एक-एक करोड़ रुपिया के रासि उपलब्ध कराये गेहे ।
No Comment! Be the first one.