जय जोहार । (chhattisgarh) मुख्यमंत्री भूपेश बघेल ह आज अपन निवास कार्यालय म वर्चुअल कार्यक्रम म प्रदेस म अविवादित नामांतरण अउ खाता विभाजन प्रकरण के त्वरित अउ समयबद्ध निराकरण बर ऑनलाईन नामांतरण पोर्टल के नवा वर्जन के सुभारंभ करीन ।
(chhattisgarh) पोर्टल के माध्यम सेले पंजीयन कार्यालय अउ नागरिक ले प्राप्त ऑनलाईन आवेदन नामांतरण पंजी म स्वतः दर्ज होही। जेखर बाद क्रेता ले राजस्व न्यायालय अथवा ग्राम पंचायत म नामांतरण करे जाय के संबंध म विकल्प ले जाही । विकल्प के बाद आम ईश्तहार अउ व्यक्तिशः सूचना के प्रति विभागीय वेबसाइट म उपलब्ध होही ।
नवा वर्जन म पक्षकार मन के प्रकरण दर्ज होय, हरेक पेशी तारीख, आदेस पारित होय के तारीख अउ अभिलेख दुरूस्ती होय के सूचना एसएमएस के माध्यम ले दे जाही । प्रकरण म आपत्ति प्राप्त नई होय म आदेस पारित करे जाही । आदेस पारित होय के 7 दिन के भीतर हल्का पटवारी डहार ले अभिलेख दुरूस्ती कर डिजिटल हस्ताक्षर ले सत्यापन करे जाही । एखर ले आम नागरिक के बेरा के बचत होही अउ न्यायलयीन प्रकरण के शीघ्र निराकरण होही ।
No Comment! Be the first one.