Raipur : मुख्यमंत्री वृक्ष संपदा योजना: 5 एकड़ म वृक्षारोपण करइया ल मिलही शत् प्रतिशत अनुदान

जय जोहार। (Raipur) छत्तीसगढ़ राज्य म निजी भूमि म व्यावसायिक उद्देश्य ले वृक्षारोपण ल प्रोत्साहित करे बर मुख्यमंत्री वृक्ष संपदा योजना लागू करे गेहे। एखर ले राज्य म काष्ठ आधारित उद्योग लगही । उंहे आय के संगे संग ग्रामीण ल रोजगार अउ आजीविका के साधन घलो मिलही । ए योजना के बेहतर क्रियान्वयन बर वन विभाग ले जुड़े अधिकारी बर राज्य स्तरीय कार्यशाला के आयोजन करे गीन।

कार्यशाला म जानकारी दे गेहे कि मुख्यमंत्री वृक्ष संपदा योजना म निजी भूमि म वृक्षारोपण बर इच्छुक अउ पात्र हितग्राही ल 5 एकड़ भूमि म वृक्षारोपण करे बर शत् प्रतिशत अनुदान दे जाही । अइसने 5 एकड़ ले जादा भूमि होय म 50 प्रतिशत अनुदान उपलब्ध कराए जाही । वृक्ष ले जादा मात्रा म काष्ठ के पैदावार ल सुनिश्चित करे बर प्रति एकड़ 1000 अउ जादातम 5000 पौधा के रोपण उपयुक्त होही । एखर ले निजी भूमि म वृक्षारोपण करइया भूमिधारक ह हरेक बछर 15 ले 50 हजार रुपिया हरेक एकड़ तक के आमदनी होही ।

मुख्यमंत्री वृक्ष संपदा योजना म निजी सिक्षण संस्था, निजी ट्रस्ट, पंचायत भूमि अनुबंध धारक, गैर सासकीय संस्था ल अपन भूमि म रोपण कराय म 50 प्रतिशत अनुदान के प्राथमिकता होही । ए संस्था ल शेष रकम स्वयं वहन करे ल होही । निजी भूमिधारक, संस्था ल वृक्षारोपण के तैयारी बर दे जावत अनुदान रकम ले क्षेत्र तैयारी, गड्डा खुदाई, रोपण निदाई गुडाई आदि करा सकही ।