जय जोहार। सीएम भूपेश बघेल (CM Bhupesh Baghel) ह आज बालोद जिला के अर्जुंदा तहसील के अंतर्गत ग्राम परसतराई म वीर शिरोमणि छत्रपति शिवाजी महाराज के पाषाण प्रतिमा के अनावरण करीन । मुख्यमंत्री भूपेश बघेल ह छत्रपति शिवाजी महाराज के जयंती म ओमन ल नमन करीन हे। प्रतिमा के अनावरण के बाद मुख्यमंत्री ह छ्त्रपति शिवाजी महाराज के साहस अउ पराक्रम ल याद करत हुए किहीन कि शिवाजी महाराज ल स्मरण करत बेरा सदैव एक आत्मविश्वास अउ शौर्यता ले भरे व्यक्तित्व के तस्वीर उभरत हे।
गौरतलब हे कि छत्रपति शिवाजी महाराज के जयंती ल भारत म 19 फरवरी के मनाए जात हे. शिवाजी भोंसले, जेमन ल आमतौर म छत्रपति शिवाजी महाराज के नाव् ले जाने जात हे, भारत म एक झन प्रमुख मराठा शासक रिहीन । शिवाजी महाराज के जन्म 19 फरवरी, 1630 के पुणे के जुन्नार तहसील के शिवनेरी किला म होए रिहीन। मराठा साम्राज्य के संस्थापक ल खुसी अउ गर्व के संग सम्मानित करे बर 19 फरवरी के शिवाजी जयंती मनाए जात हे ।
ए मउका म केन्द्रीय अध्यक्ष, दिल्लीवार कुर्मी क्षत्रिय समाज डॉ. राजेन्द्र हरमुख, संसदीय सचिव कुंवर सिंह निषाद , हरदेव दिल्लीवार, अशोक कुमार देशमुख, अंजु पाटिल सरपंच ग्राम पंचायत परसतराई उपस्थित रिहीन l
Other Articles
CM Bhupesh Baghel ह करीन माता बहादुर कलारिन के पूजा अर्चना, पढ़व
Raipur : आईएचएम के छात्र-छात्रा ह नुक्कड़ नाटक ले बताइन मिलेट के महत्व
