जय जोहार। सीएम भूपेश बघेल (CM Bhupesh Baghel) ह आज बलरामपुर-रामानुजंगज जिला के तातापानी संक्रांति परब 2023 अउ खैरागढ़ म आयोजित युवक युवती परिचय सम्मेलन म सामिल होही अउ कोरबा जिला के पाली म प्रदेस व्यापी भेंट-मुलाकात अभियान के तहत विभिन्न विकास काम के सिलान्यास अउ लोकार्पण करही ।
सीएम भूपेश बघेल (CM Bhupesh Baghel) ह निर्धारित दउरा कार्यक्रम के तहत 14 जनवरी के बिहनिया 9.30 बजे कोरबा जिला के पाली म अधिकारी मन के समीक्षा बइठक लेही अउ विभिन्न विकास काम के सिलान्यास अउ लोकार्पण करही । सीएम ह पाली म 10.35 बजे शिव मंदिर के दर्शन कर पूजा-अर्चना करही । मुख्यमंत्री श्री बघेल ह एखर बाद 11.05 बजे पाली स्कूल हेलीपेड ले हेलीकाप्टर ले प्रस्थान कर 12.05 बजे बलरामपुर-रामानुजगंज जिला के अंतर्गत ग्राम तातापानी पहुंचही। इंहा तातापानी संक्रांति परब 2023 म सामिल होही ।
सीएम भूपेश बघेल (CM Bhupesh Baghel) ह मंझनिया 1.15 बजे तातापानी ले हेलीकाप्टर ले प्रस्थान कर 2.45 बजे खैरागढ़, जिला खैरागढ़-छुईखदान-गंडई पहुंचही। इंहा राजा फतेहसिंह मैदान खैरागढ़ म आयोजित साहू समाज के युवक-युवती परिचय सम्मेलन अउ नवनियुक्त पदाधिकारी मन के शपथ ग्रहण समारोह म सामिल होही । सीएम ह एखर बाद 3.55 बजे खैरागढ़ ले हेलीकाप्टर ले प्रस्थान कर 4.25 बजे पुलिस ग्राउण्ड हेलीपेड रायपुर लहुट आही ।
Other Articles
