chhattisgarh : सीएम ह माता तेलिनसत्ती के करीन पूजा-अर्चना, प्रदेस के तरक्की अउ खुसहाली के करे हे कामना

जय जोहार। (chhattisgarh) प्रदेस के मुख्यमंत्री भूपेश बघेल ह धमतरी जिला के ग्राम तेलिनसत्ती म माता तेलिनसत्ती के दर्सन कर पूजा-अर्चना करीन अउ जिला समेत प्रदेस के तरक्की अउ खुसहाली बर प्रार्थना करीन । सीएम ह ए अवसर म मंदिर परिसर म ज़िला साहू संघ के सामुदायिक भवन के भूमिपूजन करीन ।

ग्राम देमार के हाई स्कूल परिसर म कारीकरम ल संबोधित करत (chhattisgarh) मुख्यमंत्री ह किहीन कि साहू समाज पिछड़ा वर्ग के सबले बड़का अउ अग्रणी समाज हे । ये सिक्षा, व्यापार, राजनीति, संस्कृति, साहित्य, विज्ञान समेत आने आने क्षेत्र म सरलग अपन विसिष्ट स्थान बनाइन हे अउ आन समाज घलो साहू समाज ले प्रेरणा लेके आगू बाढ़त हे।

(chhattisgarh) सीएम ह किहीन कि ये जिला उन्नत कृषि, जादा उत्पादन अउ जादा धान बिक्री म अग्रणी जिला हे। प्रदेस सासन के राजीव गांधी न्याय योजना, गोधन न्याय योजना, ग्रामीण भूमिहीन कृषि मजदूर न्याय योजना समेत आने आने योजना के बढ़-चढ़के अधिकाधिक लाभ लेहे । ए म घलो मुख्यमंत्री ह ओमन ल बधाई दीन हे ।

ए अवसर म छत्तीसगढ़ नागरिक आपूर्ति निगम के अध्यक्ष रामगोपाल अग्रवाल, विधायक सिहावा अउ उपाध्यक्ष मध्यक्षेत्र आदिवासी विकास प्राधिकरण डॉ. लक्ष्मी ध्रुव, धमतरी विधायक रंजना साहू, बालोद विधायक संगीता सिन्हा, महापौर विजय देवांगन, कलेक्टर पी.एस. एल्मा, एसपी प्रशांत ठाकुर, जिला पंचायत के सी.ई.ओ. प्रियंका महोबिया, जिला पंचायत अध्यक्ष धमतरी कांति सोनवानी, उपाध्यक्ष नीशू चंद्राकर, जनपद पंचायत धमतरी के अध्यक्ष गूंजा साहू, वरिष्ठ नागरिक शरद लोहाणा, मोहन लालवानी, साहू समाज के उमेश साहू मौजूद रिहीन ।