सीएम बघेल ह कोरोना वायरस के संक्रमण के रोकथाम बर 28 जिला ल जारी करिन 24.50 करोड़, मुख्यमंत्री सहायता कोष ले जारी करे गे हे राशि

जय जोहार…. मुख्यमंत्री भूपेश बघेल ह कोरोना वायरस के संक्रमण के रोकथाम बर प्रदेश के सब्बो 28 जिला ल कुल 24 करोड़ 50 लाख रूपिया जारी करे हे। ए राशि ल मुख्यमंत्री सहायता कोष ले संबंधित जिला के खाता म जमा कर दे गे हे।

मुख्यमंत्री सचिवालय ले जानकारी के मुताबिक रायपुर, बलौदाबाजार, राजनांदगांव, कबीरधाम अऊ बिलासपुर जिला ल 2-2 करोड़, मुंगेली जिला ल 1.50 करोड़, बस्तर, कोरिया, बलरामपुर-रामानुजगंज अऊ सूरजपुर जिला ल एक-एक करोड़, गरियाबंद, धमतरी, महासमुंद, दुर्ग, बालोद, बेमेतरा, कोण्डागांव, कांकेर, दंतेवाड़ा, सुकमा, नारायणपुर, बीजापुर, कोरबा, जांजगीर-चांपा, रायगढ़, सरगुजा अऊ गौरेला-पेंड्रा-मरवाही जिला ल 50-50 लाख रूपिया के राशि ल आबंटित करे गे हे।

बता देन कि एखर पहिले मुख्यमंत्री सहायता कोष ले प्रदेश के 11 जिला ल 20-20 लाख रूपिया कुल 2 करोड़ 20 लाख रूपिया, सब्बो 28 जिला ल 25-25 लाख रूपिया कुल सात करोड़ अऊ प्रदेश सब्बो 146 विकासखण्ड ल 10-10 लाख रूपिया कुल 14 करोड़ 60 लाख रूपिया के राशि ल कोरोना संक्रमण के रोकथाम बर जारी करे जा चुके हे।