जय जोहार। सीएम भूपेश बघेल ह राजधानी रायपुर के नेताजी सुभाष स्टेडियम म 17 फरवरी के मंझनिया 3.30 बजे तीन दिन के छत्तीसगढ़ मिलेट कार्निवाल के सुभारंभ करही । ए अवसर म मुख्यमंत्री श्री बघेल ह स्टार्टअप स्टॉल, लाईव फूड कांउटर के सीभारंभ अउ अवलोकन के साथ वीडीवीके महिला स्व-सहायता समूहों बर कौसल विकास कार्यक्रम के घलो सुभारंभ करही।
कार्यक्रम के उद्घाटन सत्र मंझनिया 2.30 बजे ले सुरू होही । ए अवसर म वन मंत्री मोहम्मद अकबर घलो उपस्थित रही। 19 फरवरी के संझा 4.30 बजे समापन समारोह अउ पुरस्कार वितरण के आयोजन होही । मिलेट फूड स्टॉल्स अउ स्टार्टअप स्टॉल के प्रदर्सन रात 10 बजे तक चलही।
गौरतलब हे कि राजधानी रायपुर म 17 से 19 फरवरी तक मिलेट कार्निवाल के आयोजन करे जावत हे । भारत के नामी गिरामी शेफ मिलेट के नवा नवा व्यंजन बनाना सिखाही अउ एला मेहमान ल परोसही । कार्निवाल के आयोजन ल छत्तीसगढ़ राज्य लघु वनोपज संघ अउ आईआईएमआर हैदराबाद के संयुक्त तत्वाधान में करे गेहे ।
Other Articles
No Comment! Be the first one.