गरियाबंद । कांग्रेस अउ जोगी कांग्रेस के मेहनत रंग लाइस हे। स्वास्थ्य सचिव ह एएनएम भर्ती म फर्जीवाड़ा मामला म जिला के मुख्य चिकित्सा एवं स्वास्थ्य अधिकारी (सीएमएचओ) अरुण कुमार रात्रे ल निलंबित कर दिस हे है। निलंबन अवधि म रात्रे के मुख्यालय, स्वास्थ्य संचालनालय नया रायपुर होही।
दरअसल, संचालनालय स्वास्थ्य सेवाएं छत्तीसगढ़ ह ग्रामीण महिला स्वास्थ्य संयोजक (एएनएम) के 396 पद म भर्ती बर विज्ञापन प्रकाशित करे रिहिस हे। जेमा गरियाबंद जिला म कुल 14 सीट रहिस हे येखर उल्ट आरोपी अधिकारी ह बिना अनुमति के 27 अतिरिक्त पद म भर्ती कर दीस रहिन हे।
आप मन ल बता दन कि सबो 14 पद अनुसूचित जनजाति बर आरक्षित रिहिस हे। येखर बर छत्तीसगढ़ व्यवसायिक परीक्षा मंडल ह परीक्षा के आयोजन कर रिहिस हे। ये मामला ल लेके कांग्रेस अउ जोगी कांग्रेस के पार्टी ह कतको बर विरोध प्रदर्शन घलो करिन हे, येकर संग ही अखबार मन घलोक ये सुर्खी बने रिहिस हे।
