कलेक्टर अउ पुलिस अधीक्षक का करत हे? …. बघेल ह अपन काम करे के अंदाज ले अफसर मन ल कराइस अवगत

पुराना ढर्रा म अब काम नइ चलय…. अफसर कार्रवाई बर  तइयार रहय

रायपुर। कलेक्टर-एसपी के संग मंगलवार के मुख्यमंत्री भूपेश बघेल ह बइठक करिस।  उमन ह अफसर मन ल अपन नाराजी जाहिर करत हुए कहिन के पुराना ढर्रा म  अब काम नइ चलय, यदि उंखर तक सिकायत पहुंचही तव ए माने जाही के  अफसर अपन जिम्मेदारी ठीक ले नइ निभावत हे। अइसे मा, संबंधित अफसर कार्रवाई बर तइयार रहव। सीएम बघेल ह साफ  सब्द मन कहिन के,  जे समस्या मन के  निदान जिला स्तर म  हो सकत हे, वो ह उपर तक आवत हे। अइसन सिकायत जनप्रतिनिधि मन के  माध्यम ले मोर तक तक पहुंचत हे।

राजधानी रायपुर के न्यू सर्किट हाउस म आयोजित कलेक्टर-एसपी कान्फ्रेंस  म मुख्यमंत्री भूपेश बघेल ह अपन बात मन ले ए स्पष्ट कर दिस के,कि पुराना ढर्रा म अब काम नइ चलय। जनसिकायत यदि होथे त उंखर निपटारा संबंधित अफसर प्राथमिकता के संग करय।  यदि जुम्मेदार अफसर मन अपन कर्तव्य मन अउ  जुम्मेदारी मन के  प्रति लापरवाही बरतही त  उंखर उपर कार्रवाई घलो हो सकत हे।

बइठक म बातचीत के दउरान ही मुख्यमंत्री  बघेल ह अपन काम करे के अंदाज ले अफसर मन ल एक तरह ले अवगत करा दिस हे।  सीएम बघेल ह  कहिन के, का  वजह हे के जे सिकायत मन के निराकरन जिला स्तर म कलेक्टर अउ एसपी कर सकत हे, वो  सिकायत मन घलो  जनप्रतिनिधि मन के माध्यम ले उंखर तक लगातार पहुंचत हवय। ।

अइसन म जिला कलेक्टर अउ पुलिस अधीक्षक का करत हे? का वजह हे के आम जनता अपन सिकायत म लेके  जनप्रतिनिधि मन के तीर  पहुंचत हवय। उमन ह ए बात म कड़ा रुख  जतावत हुए कहिन के, अब ले ए सब नइ चलय।

जे सिकायत मन के निराकरन जिला स्तर म ही हो सकत हे, उंखर बर आम जनता ल भटकना न पड़ना चाही, ए बात के विसेस धियान रखे जाए। डीएमएफ फंड ल लेके घलो उमन संकेत दिस के,  इस फंड के उपयोग जनकल्यानकारी योजना मन म करे  जाए, न के कोनो संस्था अथवा व्यक्ति विसेस ल  उपकृत करे बर  करे जाए।