कांग्रेस ह करिन केंद्र सरकार ले सेंट्रल विस्टा प्रोजेक्ट अऊ बुलेट ट्रेन प्रोजेक्ट ल खारिज करे के मांग

जय जोहार…. कांग्रेस ह भाजपा सरकार के कर्मचारी अऊ पेंशनधारी विरोधी रवैया के निंदा करे हे। प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि मोदी सरकार के तरफ ल कोरोना ले निपटे के नाम म 113 लाख सैनिक, सरकारी कर्मचारी अऊ पेंशनर के महंगाई भत्ता म कैंची चलाय के कांग्रेस ह विरोध करत हे। इही लोग त कोरोना ले जंग म अग्रिम पंक्ति के सिपाही के भूमिका निभात हे अऊ ओखर जब ले 38000 करोड़ रूपिया सालाना काट के मोदी सरकार ह का साबित करे ल चाहत हे। मोदी सरकार ह अपन बेफिजूल अऊ गैरजरूरी खर्च म कटौती करे के बजाए सरकारी कर्मचारी, सैनिक अऊ पेंशनर मन के राशि म कटौती करत हे।

वो हा कहिन कि मोदी सरकार ल 20000 करोड़ के सेंट्रल विस्टा प्रोजेक्ट, 110000 करोड़ के बुलेट ट्रेन प्रोजेक्ट अऊ ढाई लाख करोड़ के अपन सरकारी खर्च म कटौती कर ए पैसा ल देश के गरीब, मजदूर, जरूरतमंद लोग अऊ छोटे व्यापारी मन ल देना चाही। आज देश के गरीब मध्यमवर्गीय लोग, सरकारी कर्मचारी, देश के सिपाही अऊ सैनिक कोरोना महामारी म आर्थिक, व्यक्तिगत अऊ व्यवस्था गत संकट ले जूझत हे। अईसे समय म ओखर मदद करे के बजाय, ओखर जख्म म मरहम लगाय के बजाय मोदी सरकार ह जले म नमक छिड़के के काम करे हे। कोरोना संकट के चलत मोदी सरकार ल 20000 करोड़ के सेंट्रल विस्टा प्रोजेक्ट अऊ 110000 करोड़ रूपिया के बुलेट ट्रेन जैसा प्रोजेक्ट ल खारिज करना चाही।