जय जोहार। (chhattisgarh) मुख्यमंत्री श्री भूपेश बघेल ले राजधानी रायपुर के ओखर निवास कार्यालय म अखिल भारतीय कुर्मी महासभा के प्रतिनिधि मंडल ह सौजन्य मुलाकात करीन । गौरतलब हे कि राजधानी रायपुर के अग्रसेन धाम म 10 से 12 अगस्त तक अखिल भारतीय कुर्मी समाज अउ मतदाता जागृति मंच के तत्वावधान म महासभा के आयोजन करे गेहे । महासभा म देस के आने आने राज्य ले कुर्मी समाज के प्रतिनिधि सामिल होइन हे ।
ए अवसर म मुख्यमंत्री ह किहीन कि छत्तीसगढ़ के समग्र विकास बर हर समाज अउ वर्ग के मनखे मन के उत्थान बर निरंतर काम होत हे । एमा नवाचार के प्रयोग करत हुये अइसे जनकल्याणकारी कार्यक्रम के संचालन करे जात हे , जेखर ले मनखे मन ल रोजगार के भरपूर अवसर मिले। संगेसंग ओखर आमदनी म निरंतर वृद्धि हो। वोहा बताइन कि एखर परिणामस्वरूप आज विकास के छत्तीसगढ़ मॉडल के चर्चा पूरा देस म होत हे ।
(chhattisgarh) प्रतिनिधि मंडल म राष्ट्रीय अध्यक्ष अखिल भारतीय कुर्मी समाज अउ मतदाता जागृति मंच नंदकुमार बघेल, संतोष कुमार, क्रांतिकुमार, नारायण सिंह, अनिल कुमार चौधरी, श्याम पटेल, सुनील देशायी, विमल साहू, सुनील गहलोत, श्रीमती शर्मिला जोहरी, डॉ. दीनानाथ वर्मा, के.पी. कुर्मवंशी, डी.पी. पटेल, पूजा मौरे, प्रतिभा सिंह, विजय पटेल, डी.राजशेखर रेड्डी, रमाशंकर पटेल सामिल रिहीन ।
No Comment! Be the first one.