जय जोहार । सीएम भूपेश बघेल (CM Bhupesh Baghel) ले आज विधानसभा म ओखर कार्यालय कक्ष म विधायक धनेन्द्र साहू के नेतृत्व म वर्ल्ड वाइड बुक ऑफ रिकॉर्ड्स होल्डर 9 बछर के मास्टर जसराज सिंह ह सौजन्य मुलाकात करीन । मास्टर जसराज के नाव वर्ल्ड वाइड बुक ऑफ रिकॉर्ड्स अउ एशिया बुक ऑफ रिकॉर्ड्स म डिवीजन अउ मल्टीप्लिकेशन के सवाल के सबले तेज जवाब दे बर दर्ज होए हे । मुख्यमंत्री ह मास्टर जसराज ल ओखर ए उपलब्धि बार बधाई देत हुए ओखर उज्ज्वल भविष्य के कामना करीन ।
मास्टर जसराज के पिता तरसेम सिंह ह मुख्यमंत्री श्री बघेल ल बताइन कि जसराज ह 2 मिनट म कोनो घलो 3 अंक के संख्या ल 1 से 9 तक के अंक ले भाग देके 100 ले घलो जादा सवाल के उत्तर देके देस के पहिला सबले कम उमर के लईका के रूप म वर्ल्डवाइड बुक ऑफ रिकॉर्ड्स म अपन नाव दर्ज कराए हे । अइसने एशिया बुक ऑफ रिकॉर्ड्स म 1 मिनट 11 सेकंड म 50 सवाल के जवाब देके ये उपलब्धि हासिल करे हे ।
मुख्यमंत्री श्री बघेल ह मास्टर जसराज के आग्रह म ओमन ल ऑटोग्राफ घलो दीन । ए अवसर म मास्टर जसराज के माता जसप्रीत कौर, सुखबीर सिंह अउ वंदना टांगसे घलो उपस्थित रिहीन ।
