Home विशेष दंतेवाड़ा उप-चुनाव म लाल आतंक के साया, बाहिरी नक्सली मन के जमावड़ा:...

दंतेवाड़ा उप-चुनाव म लाल आतंक के साया, बाहिरी नक्सली मन के जमावड़ा: अलर्ट

178
0
Maoists

जय जोहार. बस्तर संभाग म बड़े तादात म नक्सली मन के जमावड़ा के सूचना पुलिस के खुफिया विभाग ल मिले हे। बताए जात हे कि एमा ज्यादातर नक्सली हाल ही म पड़ोसी राज्य ले आए हे। जेखर ले आशंका जताए जात हे कि एमन कोनों खास मक्सद ले आए हे। अईसन म दंतेवाड़ा विधानसभा सीट म उप-चुनाव के मद्देनजर पुलिस ह अलर्ट जारी करे हे।

बताए जात हे कि नक्सली कोनों बड़े वारदात के फिराक म हे जेला देखत चौकसी बढ़ा दे गे हे। फोर्स ल अलर्ट रहे के निर्देश दे गे हे।  एखरे संगे-संग महाराष्ट्र अऊ तेलंगाना के सुरक्षा एजेंसी मन ल घलो अलर्ट भेजे गे हे। दंतेवाड़ा उप चुनाव बर प्रचार सिरात बेरा म हे अऊ इहां बड़े नेता मन के पहुंचे के घलो संभावना हे। अईसे म सुरक्षा के उपाय करना जरूरी हे।

बता देन कि दंतेवाड़ा उपचुनाव म कांग्रेस अऊ भाजपा दूनों दल ने जेन प्रत्याशी मन ल टिकिट दे हे ओमन दूनों झन के सुहाग नक्सली मन छीन ले हे। एक कोती कांग्रेस ले जिहां देवती कर्मा ल टिकट दे गे हे जेन ह पार्टी के कद्दावर नेता स्व. महेन्द्र कर्मा के पत्नी आए अऊ झीरम घाटी नरसंहार म ओमन शहीद हो गे रिहिन। उहें भाजपा ह ओजस्वी मंडावी ल अपन प्रत्याशी बनाए हे। ओजस्वी के पति भीमा मंडावी दंतेवाड़ा ले भाजपा के विधायक चुने गे रिहिन फेर लोकसभा चुनाव के दऊरान नक्सली मन दुआरा बिछाए गे बारूदी विस्फोट म ओखर मऊत हो गे रिहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.