छत्तीसगढ़ी लोक नाचा के पर्याय दाऊ मंदिरा जी के जयंती 1 अप्रैल के मनाए जथे, राजनांदगांव जिला के रवेली गांव ह दाऊ मंदिरा जी बर जाने जाथे, आज के पीढ़ी दाऊ मंदरा जी के बारे में जान सके, नाटक और संस्कृति म ओखर योगदान ल समझ सके तेखर सेती किशोर सार्वा अउ नंदकुमार साहू ह पहल करिस ओखर जीवन ला पर्दा म उतारिन।
निर्देशक विवेक सार्वा एखर बर खूब मेहनत करीस, दाऊ मंदिरा जी ऊपर फिलिम के निर्माण करीस। यूट्यूब में ओखर ट्रेलर लांच होइस त प्रतिक्रिया आना शुरू होगे। बता दन कि दुबई ले घलोक एक व्यक्ति ह ट्रेलर देख के फिलिम देखे के इच्छा व्यक्त करे हे।
ये फिलिम म मंदरा जी के किरदार निभाए हे सुपरस्टार करन खान एखर अलावा एमा ज्योति पटेल अउ हेमलाल कौशल के संग बड़ अकन कलाकार मन सकलाय हे ।पूरा छत्तीसगढ़ में ये फिलिम 26 जुलाई के प्रदर्शित होही , छत्तीसगढ़ के पहली बायोपिक फिलिम हे मंदराजी ।
No Comment! Be the first one.