जय जोहार। (Balod ) बालोद जिला के खपराभाट गौठान म गोबर ले प्राकृतिक पेंट बनाय के यूनिट स्थापित करे जाय के प्रक्रिया सुरु कर दे गेहे । यूनिट बर भवन के निर्माण ल गौठान म कराए जात हे । कलेक्टर कुलदीप शर्मा ह शुक्रवार के आदर्श गौठान खपराभाट पहुंचके प्राकृतिक पेंट के यूनिट के स्थापना के संबंध म चलत भवन निर्माण काम के अवलोकन करीन।
(Balod ) कलेक्टर ह गोबर ले पेंट बनाय के इकाई सुरू करे बर जरूरी सामग्री अउ मशीनों के बारे म अधिकारी मन ले जानकारी लीन। वोहा अधिकारी मन ल 10 जनवरी तक गोबर ले पेंट बनाय के काम सुरू कराए जाय बर घलो निर्देस देहे । पशु चिकित्सा विभाग ल ए माह के अंत तक गोबर ले प्राकृतिक पेंट बनाय के मशीन अउ आवश्यक उपकरण के व्यवस्था करे ल घलो कहे हे ।
कलेक्टर ह निर्माणधीन प्राकृतिक पेंट इकाई भवन के तीर रिक्त भूमि के घलो उपयोगिता सुनिश्चित करे के निर्देस देहे । वोहा गौठान म स्व-सहायता समूह के महिला मन ले चर्चा कर ओखर कामकाज के संबंध म जानकारी लीन। (Balod ) वोहा महिला मन ले गौठान म संचालित स्व-रोजगारमूलक काम ले होवइया लाभ के संबंध म जानकारी लीन । कलेक्टर ह गौठान के जमीन म महिला मन के डहार ले केला उत्पादन के काम के सराहना करीन ।
No Comment! Be the first one.