आबकारी विभाग ह लायसेंस के दर मन म कर दिस बढ़ोत्तरी, अब शराब कारोबारी मन ल दे बर परही दोगुना रकम

जय जोहार रायपुर…. छत्तीसगढ़ सरकार म शराब के कारोबार करइया ल झटका लगिस। आबकारी विभाग ह लायसेंस के दर मन म बढ़ोत्तरी करिस हे। बता दन कि विभाग ह एफएल 5 अऊ एफएल 5 (क) लाइसेंस के दर मन म बढ़ोत्तरी कर दिस। बढ़े हुए दर मन के अनुसार अब शराब कारोबारी मन ल दोगुना रकम के भुगतान करे बर परही।

मिली जानकारी के अनुसार शराब कारोबारी मन ल एफएल 5 (क) लायसेंस बर पांच हजार के जगह अब 10 हजार रूपिया अऊ होटल मन बर एक दिन के एफएल 5 (क) लायसेंस बर 20 हजार रूपिया भुगतान करे बर परही। ये संबंध म शराब कारोबारी 24 फरवरी तक के आनलाइन आवेदन कर सकत हे। बता दन कि ये आदेश आबकारी उपायुक्त ह जारी करे हे।