किसान, मजदूर अऊ वनवासी मन के जेब म पैसा आय ले ग्रामीण अऊ शहरी व्यवसाय म होही बढ़ोत्तरी- सीएम भूपेश बघेल

जय जोहार…. मुख्यमंत्री भूपेश बघेल ह कहिन कि प्रदेश के किसान, मजदूर अऊ वनवासी मन के जेब म पैसा आय ले न केवल ओखर आर्थिक स्थिति ह मजबूत होही, बलकि एखर ले ग्रामीण अऊ शहरी व्यवसाय म घलो बढ़ोत्तरी होही। पिछले साल किसान मन के ऋण माफी अऊ 2500 क्विंटल धान खरीदी ले देशव्यापी मंदी के बावजूद छत्तीसगढ़ ह एखर ले अछूता रहिस, ए साल घलो होही। आज आकाशवाणी ले प्रसारित विशेष भेंटवार्ता म कोरोना संकट म छत्तीसगढ़ सरकार के तरफ ले किसान, प्रवासी मजदूर, वनवासी अऊ ग्रामीण समेत समाज के सब्बो वर्ग के हित म उठाय जावत कदम के बारे म जानकारी देत हुये ए बात ल कहिस।

मुख्यमंत्री बघेल ह कहिन कि प्रदेश के किसान मन ल ओखर उपज के वाजिब दाम मिले। ओखर संग न्याय हो, एखर बर छत्तीसगढ़ सरकार ह राजीव गांधी किसान न्याय योजना ल सुरू करे हे। ए योजना ले प्रदेश के 19 लाख किसान मन ल 5750 करोड़ ल चार किस्त म दे जावत हे। पहली किस्त 1500 करोड़ के राशि 21 मई के किसान मन के खाते म राजीव गांधी शहदात दिवस म दे गे हे। मुख्यमंत्री ह कहिन कि राज्य सरकार के तरफ ले पिछले साल किसान मन के ऋण माफी अऊ 2500 प्रति क्विटंल म धान खरीदी करे गे रहिस। लेकिन भारत सरकार के निर्देशानुसार ह मन ल ए साल समर्थन मूल्य म ही धान खरीदी करे ल पड़िस।

वो हा कहिन कि छत्तीसगढ़ म किसान मन के जेन स्थिति हे, वो हा कोनो ले छुपे हुये नई हे अऊ अइसे स्थिति म ह मन लोग ह राजीव गांधी किसान योजना लागू करे हन अऊ ए योजना के तहत जेन धान के संगेसंग मक्का उत्पादक किसान मन ल 10 हजार रूपिया प्रति एकड़ अऊ गन्ना उत्पादक किसान मन ल 13 हजार प्रति एकड़ कृषि आदान सहायता राशि ल मुहैया करावत हन।