जय जोहार…. दुर्ग जिला म सनिच्चर के कोरोना (corona) संक्रमित पांच नवा मरीज मिले हे। एमा ले तीन पुलिसकर्मी अऊ दू बीएसएफ के जवान बताय जावत हे। जानकारी के मुताबिक तीनों पुलिस कर्मी ह मोहन नगर थाना म पदस्थ हे। एक संग तीन पुलिस कर्मी मन के कोराना (corona) पाजिटिव मिले के बाद थाना म हड़कंप मच गे हे। ऊहचे थाना म पदस्थ सब्बो स्टाफ ल क्वारेंटाइन कर दे गे हे।
ऊहचे कोरोना संक्रमित बीएसएफ के दुनो जवान ह कुछु दिन पहिले छुट्टी मना के ड्यूटी म लहुटे रिहिस। जेखर बाद ले दुनो जवान मन ल क्वारेंटाइन सेन्टर म रखे गे रिहिस। दुनो जवान मन के इलाज ह जारी हे। एखर संग अब दुर्ग जिला म कोरोना (corona) मरीज मन के संख्या ह 128 हो गे हे।
No Comment! Be the first one.