झन करहू गणेश चतुर्थी के दिन चंदामामा के दर्शन,नई ते होही अलहन…पढ़ो पूरा खबर

दीपक बावनकर@रायपुर गणेश चतुर्थी माने इही दिन भगवान गणेश के जन्म होए रिहिस,ईही दिन पूरा देश म गणेश चतुर्थी के तिहार बहुत धूमधाम से मनाये जाथे, लेकिन का आप ला मालूम हे कि गणेश चतुर्थी के दिन चंद्रमा दर्शन नई करे जाए, अगर अईसे आप करहू त कोनो भी बात के झूठा आरोप आप के ऊपर लग जाही।

पुराण के अनुसार एक बार भगवान ब्रह्मा चतुर्थी के व्रत करीस उंखर व्रत ले भगवान गणेश प्रगट होइस उही समय ब्रह्मा जी ह वरदान मांगिस कि सृष्टि के रचना करे मे मोला मोह ना हो जाए त गणेश जी ह आशीर्वाद देके जाए ल लगीस, ऊही समय चंद्रमा ह गणेश जी के मजाक उड़ा दीस जेखर ले गणेश जी ह क्रोधित होगे अउ चंद्रमा ल श्राप दे दिस कि अपन सुंदरता म अतना घमंड जाओ आज के बाद तोर मुख ल कोनो नई देखही ये बात ले लज्जित होके चंद्रमा ह सरोवर के कुमुदिनो म छुप गे चंद्रमा के नई दिखे ले संपूर्ण ब्रह्मांड ल कष्ट होय ल लग गे।

सभी देवी देवता मन भगवान के आराधना करे ल लग गे । ओखर बाद गणेश जी ह चंद्रमा श्राप मुक्त करिस लेकिन किहीस कि साल म एक दिन भाद्रपद शुक्ल चतुर्थी के जेन भी चंद्रमा के दर्शन करही ओखर ऊपर चोरी जइसे झूठा लांछन अउ कलंक अवश्य ही लाग जहि। एखरे सेति भादप्रद मास के शुक्ल पक्ष चतुर्थी के दिन चंद्रमा के दर्शन करना निषेध माने गे है।