रायपुर। भीमा मंडावी हत्याकांड मा हाईकोर्ट के फैसला ला छत्तीसगढ़ के भूपेश सरकार हा अब सुप्रीम कोर्ट मा चुनौती दिही। ए संबंध मा मुख्यमंत्री भूपेश बघेल हर फैसला आए के बाद अपन प्रतिक्रिया मा कहिन कि विधि विशेषज्ञ और अधिकारी मन संग चर्चा करे के बाद सरकार हर हाईकोर्ट के फैसला के खिलाफ सुप्रीम कोर्ट मा अपील करही।
आप मन ला बता दे जाय कि बुधवार के बिलासपुर हाईकोर्ट के चीफ जस्टिस के डबल बेंच हर भीमा मंडावी हत्याकांड के एनआईए जांच ला जारी रखे के आदेश दे हवय। ए बारे मा राज्य सरकार के अपील ला हाईकोर्ट हर ए काहत हुए खारिज कर दिन कि एनआईए एक्ट के अनुसार ओहर जांच कर सकत हवय। इही बीचडबल बेंच हर राज्य सरकार ल निर्देश तको दे हवय कि ओहर भीमा मंडावी हत्याकांड सब्बो दस्तावेज ल एनआईए ल सौंपे।
इहू बतावत चलन कि दरअसल, केंद्र्रीय गृह मंत्रालय हर भीमा मंडावी हत्याकांड के एनआईए जांच कराय के ऐलान करे रिहिस। ओखर बाद राज्य सरकार हर बाद मा ओला एनआईए से लेवत हुए राज्य पुलिस ला दे दिन। उंहें एनआईए हर एला हाईकोर्ट मा चुनौती दिस। इही पूरा मामला मा हाईकोर्ट हर एनआईए के पक्ष मा फैसला दे रिहिस। जेखर खिलाफ राज्य सरकार हर डबल बेंच मा अपील के रिहिस।
Other Articles
No Comment! Be the first one.