जय जोहार रायपुर…. स्वास्थ्य विभाग ह बस्तर ल मलेरिया, एनीमिया अऊ कुपोषण ले मुक्त करे बर करीब दो लाख 76 हजार घर मन म दस्तक दिस। स्वास्थ्यकर्मी मन ह मलेरिया मुक्त बस्तर अभियान के तहत 15 जनवरी ले 14 फरवरी तक लक्षणहीन अऊ लक्षण वाले मलेरिया के इलाज बर बस्तर संभाग के 154 छात्रवास, 500 आश्रम, 76 पोटा केबिन स्कूल अऊ अर्धसैनिक बल मन के 169 कैंप म घलो पहुंचिस।
ए दौरान मलेरिया के पहचान बर 14 लाख पांच हजार 610 लोग मन के खून के जांच करे गिस। ए अभियान ल दंतेवाड़ा, बीजापुर, सुकमा अऊ नारायणपुर जिला के सबो विकासखंड, बस्तर जिला के तीन विकासखंड बड़े किलेपाल, तेाकापाल, दरबा, कांकेर अऊ कोंडागांव के 39 उपस्वास्थ्य केंद्र म संचालित करे गिस।
बतावत जात हे कि श्रीलंका ल मलेरियामुक्त करे बर जइसने व्यापक अभियान चलाए गे रहिस। उही तर्ज म ए अभियान बस्तर म संचालित करे गिस। एखर दूसर चरण आगामी मई-जून महीना म चलाए जाही। स्वास्थ्य विभाग के अमला ह माहभर चलिस मलेरियामुक्त बस्तर अभियान म 64 हजार 583 लोग मन ल मलेरिया के दवा ल खिलाइस।
No Comment! Be the first one.