जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। बीते 24 घंटा म कोरोना के 90 हजार ले जादा नवा मामला मिले हे। उहचे 1290 लोगन मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 90123 नवा मामला के पहचान होय हे। एखर संग कोरोना संक्रमित मन के कुल संख्या ह 50 लाख 20 हजार 360 पहुंच गे हे। जेमा ले 9 लाख 95 हजार 933 एक्टिव मामला हे।
उहचे 39 लाख 42 हजार 361 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 82066 लोगन मन के मौत हो गे हे।
Other Articles
Next
Previews
No Comment! Be the first one.