Congress : केंद्र सरकार के नीति ले बाढ़त हे महंगाई- मोहम्मद असलम, पढ़व पूरा खबर

जय जोहार…. (Congress) प्रदेश कांग्रेस प्रवक्ता मोहम्मद असलम ह कहिन कि पिछिले कुछु महिना ले सरलघा महंगाई ह चरम म हे। खाद्य तेल, प्याज, हरी सब्जी फल, अनाज अऊ दाल के संगसंग दवा के दाम ह आसमान छुवत हे। अब सरलघा पेट्रोल-डीजल अऊ रसोई गैस के कीमत ह बाढ़े ले लोगन मन ह पस्त हो गे हे। केंद्र के मोदी सरकार ह महंगाई ल रोके अऊ पेट्रोलियम पदार्थ के दाम म कमी बर कोनो पहल नई करत हे।

(Congress) लोगन मन के सहुलियत ल बढ़ाय के दम भरइया मोदी सरकार ह जनता ल अईसे आर्थिक मार देवत हे कि लोगन मन बर दू वक्त के निवाला जुगाड़ कर पाना मुश्किल होवत हे। मोदी सरकार ह गरीब अऊ निम्न वर्ग के लोगन मन ल राहत देने के बजाय उद्योगपति अऊ बड़े कारोबारी के हित करे म जुटे हुये हे।

प्रदेश कांग्रेस (Congress) प्रवक्ता मोहम्मद असलम ह कहिन कि पहिले नोटबंदी फेर कोविड-19 सती लगे लाकडाउन ले आर्थिक स्थिति खराब होय के सती आम नागरिक ल जीवन यापन करे म घलो मुश्किल होवत हे। आवश्यक वस्तु स्वास्थ्य, शिक्षा, रोजगार अऊ बिजली जइसे चीज के घलो आम लोगन मन ह वहन नई कर पावत हे।