Friday, December 4, 2020
Home सियासत Congress: भगवान राम के ननिहाल के किसान मन के संग सौतला व्यवहार...

Congress: भगवान राम के ननिहाल के किसान मन के संग सौतला व्यवहार जायज नई: विकास तिवारी

जय जोहार…. केन्द्र के मोदी सरकार म हमला करत हुये प्रदेश कांग्रेस (Congress) कमेटी के प्रवक्ता विकास तिवारी ह कहिन कि जिहां एक ओर प्रदेश भाजपा ह कहत हे कि किसान मन के तरफ ले अपन फसल के कटाई करे जा चुके हे।

उहचे दूसर ओर केंद्र के मोदी सरकार ह राज्य के (Congress) भूपेश बघेल सरकार के तरफ ले फसल खरीदी बर साढ़े चार लाख बारदाना गठान के आवश्यकता बताय गे रिहिन, जेखर एवज म मात्र डेढ़ लाख बारदाना गठान के उपलब्धता केंद्र सरकार के तरफ ले कराय गिस।

जेमा ले 48 हजार बारदाना गठान ल प्रदेश म भेजे गे हे, जेन भाजपा के दोहरा चरित्र ल उजागर करत हे। केन्द्र के मोदी सरकार ह भगवान राम के ननिहाल कौशल प्रदेश छत्तीसगढ़ के संग कैकई जइसे व्यवहार करत हे।

कांग्रेस (Congress) प्रवक्ता विकास तिवारी ह कहिन कि भगवान राम के ननिहाल के किसान मन के संग सौतेला व्यवहार जायज नई हे। उहचे दूसर ओर प्रदेश भाजपा के शीर्ष नेता ह केंद्र सरकार के कैकई रूपी व्यवहार के संग मंथरा बन के देवत हे। प्रदेश के भाजपा नेता मन ह भाम्रक प्रचार कर के किसान मन ल बरगलावत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments