जय जोहार। (Raipur) मैट्स विश्वविद्यालय के एनसीसी कैडेट मन ह आज पुनीत सागर म अभियान चलाइन । कार्यक्रम के तहत एनसीसी कैडेट मन ह आरंग के गुल्लु गांव के घाट के सफाई करीन ।
ए अभियान के अंतर्गत विश्वविद्यालय परिसर (Raipur) के बाहर स्वच्छता जागरूकता बर कैडेट मन ह प्रभात फेरी निकालीन हे । एखर बाद तालाब घाट म सफाई करीन । तालाब के स्वच्छता बर सपथ लीन। एखर बाद विश्वविद्यालय परिसर म लहुटत बेरा रद्दा म कैडेट मन ह नगर वासी मन ल आने आने नारा के माध्यम ले तालाब के स्वच्छता बर जागरूक करीन । ए कार्यक्रम के माध्यम ले कैडेट मन ह तालाब के महत्व बताइन ।
ए कार्यक्रम म 27 छ.ग. बटालियन के पीआई स्टाफ हवलदार गुरलाल सिंग घलो उपस्थित रिहीन । अंत म एनसीसी अधिकारी लेफिटनेट ताराचंन्द्र निर्मालकर ह व्याख्यान दीन । ए अवसर म उप कुलाधिपति डाॅ. के.पी. यादव ह खुसी जाहीर करीन ।
Other Articles
Next
Previews
