raipur: विधायक मन के पेंशन अऊ भत्ता बढ़ाय जाय के एनसीपी ह करिन विरोध

जय जोहार…. (raipur) राष्ट्रवादी कांग्रेस पार्टी के वरिष्ठ नेता नीलकण्ठ त्रिपाठी ह छत्तीसगढ़ शासन के तरफ ले विधायक मन के पेंशन अऊ यात्रा भत्ता बढ़ाय जाय में आपत्ति जताय हे।

एनसीपी नेता त्रिपाठी ह कहिन कि एक तरफ सरकार ह कहत हे कि पैसा नई हे अऊ दूसर तरफ विधायक मन के भत्ता ल बढ़ात हे। कोरोना जइसे महामारी म कईसे निपटे जाए। ओमा सरकार ह विचार करे।

छत्तीसगढ़ म कोरोना ह भयावह रूप ले चुके हे। (raipur) हास्पिटल म अब कोरोना मरीज मन ल बेड नई मिलत हे। हफ्तों अब मरीज मन ल घर म इंतजार करे ल पड़त हे। सही समय म इलाज नई मिले ले मरीज मन के जान घलो जावत हे।

जेखर सती आस पड़ोस म अलग डर के माहौल बने हुये हे। अईसे समय म सरकार ल विधायक मन के भत्ता बढ़ाय के चिंता हे। वो हा कहिन कि ए विषय म पक्ष अऊ विपक्ष के सहमति ले विधायक भत्ता ल पारित केर गिस। कोनो ह विरोध घलो नई करिस।
केंद्र सरकार के तरफ ले दे गे पैसा के अभी तक राज्य सरकार ह हिसाब नई दे हे। एखर बावजूद दुबारा केंद्र सरकार ले पैसा मांगना ह उचित नई। (raipur) पहिले राज्य सरकार ल केंद्र सरकार के तरफ ले भेजे गे पैसा के हिसाब देना चाही। ओखर बाद दुबारा पैसा के मांग करे।