Home हमर खबर अब घर बइठे बच्चा मन ल मिलही शिक्षा, पढ़ई तुंहर दुआर के...

अब घर बइठे बच्चा मन ल मिलही शिक्षा, पढ़ई तुंहर दुआर के तहत शिक्षक मन ल मिलही आनलाईन प्रशिक्षण

74
0
अब घर बइठे बच्चा मन ल मिलही शिक्षा, पढ़ई तुंहर दुआर के तहत शिक्षक मन ल मिलही आनलाईन प्रशिक्षण

जय जोहार गरियाबंद…. कोरोना वायरस संक्रमण के रोकथाम बर करे गे लॉकडाउन के चलत स्कूल ह लंबा समय ले बंद हे। अईसे म घर मन म रहत हुए बच्चा मन के पढ़े, लिखे अऊ सीखे के अवसर प्रदान करे बर राज्य शासन के स्कूल शिक्षा विभाग ह एनआईसी के सहायता ले आनलाईन पढ़ाई बर पोर्टल तैयार करे हे। राज्य शैक्षणिक अनुसंधान अऊ प्रशिक्षण परिषद के तरफ ले घर म रह के पढ़ाई के योजना पढ़ई तुंहर दुआर बर अब शिक्षक मन ल आनलाईन प्रशिक्षण घलो दिए जाही। ए कार्यक्रम ल गरियाबंद जिला म घलो वृहद रूप ले चलत हे। कलेक्टर श्याम धावड़े के निर्देश म ए आनलाईन पंजीयन अऊ प्रशिक्षण के आयोजन करे जात हे। ए संबंध म कलेक्टर ह जिला शिक्षा अधिकारी, जिला मिशन समन्वयक, सबो विकासखंड शिक्षा अधिकारी अऊ बीआरसीसी ल निर्देश दे गे हे।

बतावत जात हे कि शुरूआत म केवल कक्षा पहली ले दसवीं तक के पाठ्यक्रम उपलब्ध कराए गे हे। आगे 11वीं अऊ 12वीं ल घलो शामिल करे जाही। जिला म प्राथमिक ले हायर सेकेंडरी स्कूल के कुल तीन हजार 714 प्राचार्य समेत शिक्षक मन हे। जेमा ले अब तक तीन हजार शिक्षक मन के पंजीयन करे जा चुके हे। ऊहचे जिला म विद्यार्थी मन के संख्या एक लाख सात हजार 179 हे, जेमा ले 70 विद्यार्थी मन के पंजीयन हो गे हे। सबो विकासखंड शिक्षा अधिकारी मन ल ब्लाक नोडल अधिकारी नियुक्त करे गे हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.